Azərbaycan Premyer Liqasının VI turu antirekordla əlamətdar olub. Apasport.az saytının məlumatına görə, üç gün davam edən turun qarşılaşmalar ən az marağa səbəb olması ilə diqqət çəkib.
Belə ki, turun 4 görüşünü cəmi 3900 tamaşaçı izləyib. Bu da orta hesabla hər oyuna 975 tamaşaçı deməkdi. Mövsümdə ilk dəfə 3 rəqəmlə ifadə olunan bu göstərici cari birincilik üçün antirekord sayılır.
Bunadək ən aşağı orta göstərici IV tura aid idi – 1167. Ümumiyyətlə, mövsümün startındakı ilk üç turda, yəni avqustda 1500-dən yuxarı olan orta tamaşaçı sayı sentyabra bu həddə yaxınlaşa bilməyib.
Antirekordla diqqət çəkən turda “Qarabağ” – “Sumqayıt” oyununu 1400, “Zirə” – “İnter” matçını 1200, “Qəbələ” – “Neftçi” qarşılaşmasını 1000 nəfər seyr edib. “Səbail” – “Kəpəz” görüşündə isə cəmi 300 tamaşaçı qeydə alınıb.
Ümumilikdə isə 6 turun 23 qarşılaşmasını vur-tut 34446 tamaşaçı izləyib. Bu isə iki gündən sonra keçiriləcək “Qarabağ” – “Roma” matçına satılan biletin sayından təxminən iki dəfə azdı.
Tur |
oyun |
tamaşaçı |
orta tamaşaçı |
I |
4 |
7526 |
1882 |
II |
4 |
6300 |
1575 |
III |
4 |
8100 |
2025 |
IV |
3 |
3500 |
1167 |
V |
4 |
5120 |
1280 |
VI |
4 |
3900 |
975 |
Cəmi |
23 |
34446 |
1498 |