SİZİN REKLAM BURADA

Sülhsevər cüt

Azərbaycan Premyer Liqasının VI turunun “Zirə” – “İnter” oyunu nadir təsadüf olunan seriyanın davamı ilə diqqət çəkib. Apasport.az saytının məlumatına görə, 1:1 hesabı ilə başa çatan paytaxt derbisi ardıcıl 5-ci dəfə heç-heçə nəticələnib.

 

Ötən mövsümdə 4 dəfə bərabərliklə ayrılan rəqiblər yeni mövsümə də sülhlə başlayıb. Bu da eyni komandaların ardıcıl heç-heçələri sıralaması baxımından Azərbaycan çempionatları tarixinin rekordunun təkrarıdı. Yarışın 25 illik tarixində bunadək 3 cüt ardıcıl 5 dəfə heç-heçə etmişdi. 2011-12-ci illərdə AZAL-la “İnter”, 2013-14-cü illərdə AZAL-la “Xəzər Lənkəran”, 2013-15-ci illərdə “Rəvan”la “Sumqayıt” 5 qarşılaşmada qalibi müəyyənləşdirə bilməmişdi.

 

Tarixə 4-cü belə seriya kimi düşən “Zirə” – “İnter” duelləri Premyer Liqanın II dövrəsində mütləq rekordu da müəyyənləşdirə bilər. Bunun üçün XII turun “İnter Arena”dakı görüşündə də heç-heçənin yaşanması yetərlidir.

 

Amma paytaxt derbisi əvvəlki üç “sülhsevər” cütdən fərqlənir. Çünki həmin seriyalarda hesab nəticələri fərqli olubsa, “Zirə”ylə “İnter”in bütün heç-heçələri eynihesablıdı – 1:1. 5 dəfə bu hesabla ayrılan rəqiblər daha bir rekordu təkrarlayıb. Belə ki, 1992-ci ildən keçirilən Azərbaycan çempionatlarında bunadək yalnız bir cütün oyunları ardıcıl 5 dəfə eyni nəticə ilə başa çatmışdı. 2016-17-ci illərdə “Qarabağ” “Zirə”ni 5 dəfə 2:0 hesabı ilə məğlub etmişdi. Daha 6 cütdə isə eyni nəticə 4 dəfə təkrarlanıb.

 

Digər xəbərlər
Bütün xəbərlər
PREMYER-LIQA

1.

Qarabağ 14 12 1 1 25-6 37

2.

Qəbələ

14 10 1 3 28-14 31

3.

Zirə 14 9 3 2 23-11 30

4.

Sumqayıt

14 6 2 6 17-17

20

5.

Neftçi

14

5 1 8 17-16 16

6

Səbail 14 4 1 9 9-21 13

7.

Keşlə

14

2 2 10 9-25 8

8.

Kəpəz

14 2 1 11 10-29 7
               

 

Top 10