[b]Azərbaycanlı hakim Belarus – Çexiya matçına təyinat aldı[/b]
26.09.2017 - 14:28
Bakıda keçirilən qadın voleybolçular arasında Avropa çempionatının pley-off mərhələsinin ilk 2 oyunu üçün təyinatlar açıqlanıb. Apasport.az saytının məlumatına görə, Avropa Voleybol Konfederasiyası bu gün baş tutacaq qarşılaşmalardan birini beynəlxalq dərəcəli azərbaycanlı hakim Eldar Zülfüqarova həvalə edib.
Göygöldə 2 matçda iş başında olan təmsilçimiz bu dəfə Belarus – Çexiya duelində ədaləti qoruyacaq. O, ikinci referi funksiyasını yerinə yetirəcək. Əsas hakim isə ispaniyalı Mario Bernaola olacaq.
Qeyd edək ki, Milli Gimnastika Arenasında baş tutacaq görüş saat 18:00-da başlanacaq.
0
0