Bu gün Çempionlar Liqası çərçivəsində keçiriləcək “Qarabağ” -  “Roma” matçında 0:2 hesabı qeydə alınacaq. Apasport.az saytının məlumatına görə, bukmekerlər bu qənaətdədi.

Belə ki, qarşılaşmada qeydə alına biləcək hesablarla bağlı bütün əmsallar açıqlanıb. Ən aşağı əmsal, yəni daha inandırıcı nəticə də italiyalıların 2 cavabsız qol vurmasıdı. Bu nəticənin əmsalı 6,50-di.

Ağdam təmsilçisinə xal qazandıracaq nəticələr arasında ən inandırıcısı 1:1-di. Bunu proqnozlaşdıranlara əmanətlərini 9,25 dəfə artırmaq şansı verilib.

“Qarabağ”a qələbə qazandıra biləcək ən inandırıcı hesab isə 1:0-dı. Buna 17,50 əmsal verilib.