Futzal üzrə UEFA kubokunun əsas mərhələsinin VIII qrupunda daha bir oyun keçirilib. Apasport.az saytının məlumatına görə, Azərbaycan çempionu “Araz”ın da çıxış etdiyi qrupun oyunlarına ev sahibliyi edən Rumıniyanın “Deva” klubu Malta çempionu “Sent Endryu”nu sınağa çəkib.

Çempionumuzun matçında olduğu kimi bu oyunda da qapılara 7 qol vurub. Yekunda meydan sahibləri 5:2 hesablı qələbəyə seviniblər.

Qeyd edək ki, “Araz” növbəti oyununu sabah Bakı vaxtı ilə saat 17:30-da “Sent Endryu” komandasına qarşı keçirəcək.