Kipr çempionatında VII turun oyunları davam edir. Apasport.az saytının məlumatına görə, milli komandamızın üzvü Araz Abdullayevin çıxış etdiyi “Anortosis” də növbəti matçını keçirib.

Sözügedən komanda “Apollon”u qəbul edib. Matçda qalib müəyyənləşməyib. Hərəyə bir qol vuran rəqiblər 1 xal qazanıblar.

Qarşılaşmaya start heyətində başlayan Araz 90 dəqiqə meydanda olub.

Qeyd edək ki, 7 oyundan sonra aktivində 15 xal olan “Anortosis” turnir cədvəlinə liderlik edir.