[b]Ramil Quliyev ilin atleti seçilmədi[/b]
16.10.2017 - 10:41
[b]Ramil Quliyev ilin atleti seçilmədi[/b]

Avropa Atletika İttifaqı ilin idmançılarının adlarını açıqlayıb. Apasport.az saytının məlumatına görə, kişi atletlər arasında 3 namizəddən biri, azərbaycanlı Ramil Quliyev nominasiyanın qalibi ola bilməyib.

 

Türkiyə yığmasının şərəfini qoruyan həmyerlimizi almaniyalı nizəatan Yohannes Vetter qabaqlayıb. Qadın atletlər arasında isə şüvüllə tullanmada Yekaterini Stefanidi ilin idmançısı seçilib.

 

Qeyd edək ki, bu 2 atletlə yanaşı, Ramil Quliyev də Londonda keçirilən dünya çempionatının qızıl medalını qazanıb. 

0