[b]“Qarabağ”la “Atletiko” ilk “savaşı”nda[/b]
17.10.2017 - 11:14
[b]“Qarabağ”la “Atletiko” ilk “savaşı”nda[/b]

Azərbaycan çempionu “Qarabağ” sabah növbəti avrokubok matçına çıxacaq. Apasport.az saytının məlumatına görə, Ağdam təmsilçisi Çempionlar Liqasının III turunda “Atletiko” ilə görüşəcək.

 

Çempionumuzun İspaniya klubu ilə görüşü Bakı Olimpiya Stadionunda keçiriləcək. Hər iki komanda qarşılaşmaya ilk arzusunu gerçəkləşdirmək istəyi ilə çıxacaq.

 

C qrupunun qələbə qazana bilməyən iki klubu aşağı pillələrdən uzaqlaşmaq üçün mübarizə aparacaq. Qrupdan çıxmaq iddiasında olan “Atletiko” qələbə ilə xal hesabını artırıb, durumunu yaxşılaşdırmaq əzmindədi. Madridlilər bununla, “Çelsi”yə ev məğlubiyyətini unutdurmalıdı.

 

“Qarabağ” isə ilk xal üçün savaşacaq. Keçirdiyi hər iki oyunda uduzan Qurban Qurbanovun yetirmələri doğma azarkeşlər önündə sensasiyaya köklənib. İddialı rəqibi büdrətmək əzmində olan əyalət klubu bununla da “Çelsi” və “Roma” məğlubiyyətlərindən sonra azarkeşlər önündə özünü reabilitasiya etməlidi.

 

Çünki qrupda alınacaq 3-cü məğlubiyyət “Qarabağ”ın ümumi yenilgi seriyasını 4-ə çatdıracaq. Pley-offu da məğlubiyyətlə başa vurub, mərhələ keçən komandamız Madrid səfərində seriyanın daha acınacaqlı rəqəmə çatmaması üçün indidən uğur qazanmalıdı.

 

Qitənin ən nüfuzlu klub turnirindəki qol hesabını evdəki ilk oyununda açan ağdamlılar öz meydanındakı növbəti sınaqda daha bir ilki reallaşdırmalıdı. Bu, ya ilk xal, ya da ilk qələbə olmalıdı. Təbii ki, “Atletiko” kimi rəqibi yenmək inandırıcı görünmür. Amma madridlilərin 1/8 final arzusuna ciddi zərbə vurub, heç-heçə üçün mübarizə aparmaq mümkündü.

 

Qeyd edək ki, “Qarabağ” – “Atletiko” matçı saat 20:00-da başlayacaq

 

Çempionlar Liqası

Qrup mərhələsi

III tur

C qrupu

20:00. “Qarabağ” (Azərbaycan) – “Atletiko” (İspaniya)

Baş hakim: Ruddi Buke

Baş hakimin köməkçiləri: Giyom Debar, Frederik Kano

Əlavə köməkçi hakimlər: Amauri Deleru, Fransua Leteksie

Dördüncü hakim: Bertrand Juanno (hamısı Fransa)

Bakı Olimpiya Stadionu

 

1

Çelsi

2

2

0

0

8-1

6

2

Roma

2

1

1

0

2-1

4

3

Atletiko

2

0

1

1

1-2

1

4

Qarabağ

2

0

0

2

1-8

0

 

0