[b]“Bu oyunçularla keyfiyyətli məşq keçmək mümkün deyil” – Zaur Svanadze[/b]
20.10.2017 - 20:24
[b]“Bu oyunçularla keyfiyyətli məşq keçmək mümkün deyil” – Zaur Svanadze[/b]

“Üç oyundu məğlub oluruq. Son vaxtlar lazımi səviyyədə oynamırıq. 8-9 oyunçu ilə məşq edirik. Rauf Əliyevin gedişindən sonra hücumçu mövqeyində çətinliyimiz var. Nizami Hacıyev məşq etsə də, hələ tam hazır deyil. Denis də xəstə olduğundan bu gün çıxış edə bilmədi”. Apasport.az saytının məlumatına görə, bu sözləri “İnter”in baş məşqçisi Zaur Svanadze deyib.

 

Azərbaycan Premyer Liqasının IX turunda “Səbail”lə qarşılaşan “keçmiş bankirlər”in çalışdırıcısı oyundan sonra mətbuat konfransında fikirlərini bölüşüb: “Düzdü bunu bəhanə etmirəm, ancaq heyət cəhətdən problemlərimiz var. Əvvəl də dediyim kimi, qışa kimi əzab çəkəcəyik. Bundan sonra yeni oyunçular cəlb edərək, vəziyyəti düzəldə bilərik. “İnter” adı ilə son oyunumuza çıxdıq. Buna görə, bu gün qalib gəlmək istəyirdik. Ancaq alınmadı. Futbolçularıma təşəkkür edirəm. Məncə, onlar bu müddət ərzində “İnter” adına layiq çıxış etdilər. Növbəti turdan “Keşlə” adı altında oynayacağıq”.

 

- Komandada bu gün sanki aqressiya çatışmırdı. Cinahlarda zəif təsir bağışlayırdı. Buna səbəb nədi?

- Son bir ay ərzində 9-10 futbolçuyla məşq etmişik. Bu oyunçularla tam hazır olmaq, keyfiyyətli məşq keçmək mümkün deyil.

 

- İkinci dövrənin bitiminə 5 tur qalıb. Hansı oyunçuların komandaya cəlb edilməsi və ya maliyyə məsələsi ilə bağlı rəhbərliklə danışmısız?

- Bəli, rəhbərliklə danışmışam. Bir neçə mövqeyə yeni futboçuların cəlb edilməsini planlaşdırırıq.

 

- Bu futbolçular yerli olacaq ya legioner?

- Çox istərdik ki, yerli futbolçu cəlb edək. Ancaq bu, çox çətin olacaq. O ki qaldı legionerə, məncə, bunu həyata keçirə bilərik.

0