SİZİN REKLAM BURADA

Kostova 5 aydı maaş almır: Başqa yığmanı seçəcəm

“Azərbaycan millisindəki gələcək karyeramın necə olacağını hələ bilmirəm. Bu, federasiyadan asılı məsələdi”. Bunu apasport.az saytına Azərbaycan millisinin ağırlıqqaldıranı Boyanka Kostova deyib.

 

Azərbaycan millisinin 24 yaşlı idmançısının karyerası sual altına düşüb. Bunda ölkəmizin beynəlxalq yarışlardan 1 illik diskvalifikasiya olunmasının da rolu var. Kostova bildirib ki, Azərbaycan Ağır Atletika Federasiyasının yekun qərarını gözləyir: “Hazırda necə olacağını bilmirəm. Gözləyirəm ki, federasiyadan mənə öz qərarlarını desinlər. Hələlik gündəlik məşqləri fərdi qaydada davam etdirirəm”.

 

Sonuncu dəfə ötən ilin aprelində baş tutan Avropa çempionatında millimizin formasını geyinən Bolqarıstan əsilli ağırlıqqaldıran qurumla arasındakı problemin də mövcudluğunu açıqlayıb: “Artıq əmək haqqımı da dayandırıblar. 5 aydı maaş almıram. Əgər belə davam etsə, gedib başqa yığmada çıxış edəcəm. Mənim üçün heç bir fərqi yoxdu. Onsuz da çox ölkə məni heyətində görmək istəyir. Hətta konkret təkliflər də var. Lakin onları hələlik açıqlamaq istəmirəm. Hazırda gözləməyə üstünlük verirəm”.

 

Kostova Azərbaycan Ağır Atletika Federasiyasına möhlət verdiyini də deyib: “Yeni ilədək Azərbaycan tərəfindən cavab gözləyəcəm. Əgər həmin vaxta qədər pulumu verməsələr, başqa yığmanı seçəcəm. Yoxsa mən maaşsız karyeramı davam etdirə bilmərəm. Hətta elə də ola bilər ki, ümumiyyətlə karyerama son qoyum. Bunu da istisna etmirəm. Amma hələ qərar verməmişəm. Yeni ilədək gözləyib, sonra hər şeyə aydınlıq gətirəcəm. Çünki bundan artıq gözləyə bilmərəm”.

 

Qeyd edək ki, Kostova 2010-cu ildən, 17 yaşından Azərbaycan millisinin şərəfini qoruyur. 

Digər xəbərlər
Bütün xəbərlər
PREMYER-LIQA

1.

Qarabağ 14 12 1 1 25-6 37

2.

Qəbələ

14 10 1 3 28-14 31

3.

Zirə 14 9 3 2 23-11 30

4.

Sumqayıt

14 6 2 6 17-17

20

5.

Neftçi

14

5 1 8 17-16 16

6

Səbail 14 4 1 9 9-21 13

7.

Keşlə

14

2 2 10 9-25 8

8.

Kəpəz

14 2 1 11 10-29 7
               

 

Top 10