SİZİN REKLAM BURADA

“Azərbaycan millisinə kapitan kimi çay da gətirirdim” – rusiyalı qrossmeyster

Azərbaycan yığmasının sabiq kapitanı, rusiyalı şahmatçı Aleksey Dreyev “chess-news.ru”ya müsahibə verib. Apasport.az saytı xəbər verir ki, 48 yaşlı qrossmeyster ölkəmizdə işlədiyi dönəmi xatırlayıb.

 

- Azərbaycan yığmasını çalışdırmaqdan niyə imtina etdiniz?

- Mən o komandanı heç vaxt çalışdırmamışam. Mən millinin kapitanı olmuşam. Keçən olimpiadada isə baş məşqçi Etyen Bakro olub. Nədənsə hamı bunu unudur.

 

- Kapitan kimi əsas funksiyanız nə idi? Çay gətirmək?

- Onu da edirdim. Amma təkcə bu deyildi. Düşünürəm ki, artıq bu, böyük sirr deyil. Mənim əsas vəzifəm birinci lövhədə kömək etmək idi. Daha doğrusu, mən Şəhriyar Məmmədyarova kömək edirdim. Təbii ki, digər oyunçularla da məsləhətləşmələr olurdu.

Amma bütün komandaya görə mən cavab verə bilmərəm. Çünki Teymur Rəcəbov və Arkadi Naydiçlə işləməmişəm. Bir az Rauf Məmmədovla məşğul olmuşam. Bu isə xeyli əvvəl olub. Həmin vaxt Rauf çox gənc idi. Bu ancaq ikimizin yadındadı.

 

- Niyə indi Azərbaycan yığmasının kapitanı Dreyev yox, başqa biridi?

- Bəs niyə indi kapitan və ya məşqçi Aleksandr Xalifman deyil? O, 2013-cü ildə Azərbaycan yığmasına Avropa çempionluğu qazandırıb.

 

- Bəs niyə Zurab Azmayparaşvili deyil?

- Rotasiya prosesi gedir. Nəsə yeni bir şey deməyimi gözləyirsizsə, onda mən belə düşünürəm. İnsanlar kimisə dəvət edirsə onunla müzakirələr aparır: əgər nəsə yolunda getmirsə, yenidən şans verəcəyik, sonra daha bir şans veriləcək. Bəziləri isə başqa cür müzakirələr aparırlar: nəsə yolunda getmirsə, dəyişiklik etmək lazımdı. Bu da normal yanaşmadı və rotasiya adlanır. Axı siz də bir insanın bir yerdə uzun müddət işləməsinə qarşısız. Kimdəsə alınmırsa, başqa variantı yoxlamaq lazımdı. Bəlkə də, heç kimi kapitan qoymamaq lazımdı, bu da variantlardan biridi. Amma digər tərəfdən kapitan vacibdi, komanda üzvlərindən kimin necə formada olduğunu bilməlidi. Bir sözlə, məşqçinin də, kapitanın da qayğısı çoxdu. Ümumi götürsək, komandada bu gün bir, sabah başqa kapitanın olmasında qeyri-adi heç nə görmürəm. Bu, normal təcrübədi. Mən bu məsələyə sakit yanaşıram. Birində nəsə alınmırsa, digərini gətirmək lazımdı. Belə də olmalıdı. Bir məşqçi eyni komandada ömrünün sonuna qədər məşqçi ola bilməz. Çünki məşqçi özü də vaxt keçdikcə tükənə bilər. Əgər adekvat variant varsa, bundan yararlanmaq olar. Çünki kimsə nədəsə güclüdü. Mənim güclü olduğum cəhətdə digəri zəifdi. Məşqçi və kapitanlarla bağlı rotasiyalar etmək məntiqlidi.

 

Digər xəbərlər
Bütün xəbərlər
PREMYER-LIQA

1.

Qarabağ 13 11 1 1 23-6 34

2.

Qəbələ

14 10 1 3 28-14 31

3.

Zirə 14 9 3 2 23-11 30

4.

Sumqayıt

14 6 2 6 17-17

20

5.

Neftçi

14

5 1 8 17-16 16

6

Səbail 13 4 1 8 9-19 13

7.

Keşlə

14

2 2 10 9-25 8

8.

Kəpəz

14 2 1 11 10-29 7
               

 

Top 10