21 yaşadək futbolçulardan ibarət Azərbaycan yığması tarixinin antirekorduna imza ata bilər. Apasport.az saytının məlumatına görə, AVRO-2019-un seçmə mərhələsində 5-ci matçını sabah keçirəcək yığmamız ən acınacaqlı nəticə ilə üz-üzədi.

Samir Ələkbərovun yetirmələri 6 komandanın mübarizə apardığı V qrupda sabah Kosovo ilə üz-üzə gələcək. Bu duellə yığmamız seçmə mərhələni yarılayacaq.

Əslində, komandamız üçün ilk dövrəni bitmiş saymaq olar. Lakin eyni rəqib – Almaniya ilə iki dəfə qarşılaşdığımızdan dövrə deyil, ilk yarının bitdiyini söyləmək mümkündü.

Komandamız seçmə mərhələnin ekvator xəttinə 4 məğlubiyyətlə və top fərqindəki “-16” ilə gedir. Hazırkı nəticə yalnız debet etdiyimiz AVRO-1996 ilə müqayisədə təsəlli verir. Həmin vaxt ilk yarını xalsız bitirən komandamızın top fərqi daha pis idi – “-17”.

Lakin sabah Kosovodan xal almaq mümkün olmasa, ən azı həmin antirekord təkrarlanacaq. Çünki xal almamaq üçün top fərqindəki mənfi də daha acınacaqlı olacaq. Bu da o deməkdi ki, məğlubiyyət antirekordla nəticələnəcək. Minimal fərqli yenilgi 23 il əvvəlki nəticənin təkrarı, daha böyük məğlubiyyət yeni antirekord olacaq.

Komandamızın ilk yarıdakı çıxışlarından söz düşmüşkən, debütü AVRO-1996-ya təsadüf edən yığmamız özünün 12-ci tsiklində mübarizə aparır. AVRO-1998-ə qatılmayan, AVRO-2007-də isə qrupda deyil, 2 oyunluq ilkin mərhələdə çıxış edən millimiz 11-ci dəfə dairəvi sistemlə mübarizə aparır. 5 dəfə beş komandalı qrupda qüvvəsini sınayan futbolçularımız 6-cı dəfə altı yığmanın yer aldığı qrupda çıxış edir. Bu üzdən ilk yarıdakı oyun sayları bəzən 4, bəzən 5, ilkin mərhələ zamanı 1-ə bərabərdi.

İlkin mərhələli AVRO-2007-ni saymasaq, yığmamız 4-cü dəfə ilk yarını xalsız tamamlamaq təhlükəsi ilə üzləşib. AVRO-1996, AVRO-2004 və AVRO-2011-də də oyunların ekvator xəttinə xal qazanmadan çatmışdıq. Lakin son iki uğursuzluq zamanı top fərqi daha yaxşı olub.

U-21 seçmə mərhələlərin ilk yarısında

* - yığmamız qrupda deyil, ilkin mərhələdə çıxış edib.