Qadın voleybolçular arasında Rusiya Superliqasında VIII tura start verilib. Apasport.az saytının məlumatına görə, turun açılış matçında Azərbaycan millisinin hücumçusu Natalya Məmmədovanın şərəfini qoruduğu Kazan “Dinamo”su “Saxalin”in qonağı olub.

Qarşılaşma Tatarıstan təmsilçisinin asan qələbəsi ilə yekunlaşıb. “Dinamo” rəqibini 3:0 (25:16, 25:17, 25:21) hesabı ilə məğlub edib.

Məmmədova matçda 9 xal toplayıb.

Qeyd edək ki, Kazan təmsilçisi 8 matçda 21 xal toplayıb və birinci pillədə qərarlaşıb.