Çempionlar Liqasının qrup mərhələsinin VI turu çərçivəsində keçirilən “Roma” –  “Qarabağ” oyununun statistikası açıqlanıb. Apasport.az saytının məlumatına görə, UEFA Romada baş tutan qarşılaşmanın göstəricilərini hesablayıb.

1:0 hesabı ilə meydan sahiblərinin xeyrinə başa çatan qarşılaşmada hesabın əksinə olaraq, əksər göstəricilərdə rəqib komanda çempionumuzu üstələyib. Yalnız oyundan kənar vəziyyətlərdə və sarı vərəqələrdə “Qarabağ” “fərqlənib”.

“Qarabağ” qapıya tərəf ümumilikdə 3 zərbə endiribsə, bunun sadəcə 1-i çərçivəyə yönəlib. Bu zaman italiyalıların qapıçısı uğurlu çıxış edib. Digər 2 zərbə isə qapıdan kənara gedib.

Rəqibdə isə bu göstərici 19-a bərabərdi. Çərçivəyə gedən 8 zərbədən 1-i qol olub. Qapıçımız 3 epizodda xilasedici rolunda çıxış edib. Daha 8 zərbə isə “çərçivə”dən kənara gedib.

Künc zərbələrinin sayında “Roma”nın fantastik üstünlüyü var – 14:0.