Çempionlar Liqasının qrup mərhələsinin son turunda “Mançester Siti” səfərdə “Şaxtyor”la qarşılaşır. Apasport.az saytının məlumatına görə, bu oyun “şəhərlilər”in baş məşqçisi Xosep Qvardiola üçün qitənin ən nüfuzlu klub turnirində 100-cü qarşılaşma olub.

O, yubileyi qeyd etməklə özündən əvvəl bunu bacaran digər 5 məşqçiyə yoldaş olub. Qvardioladan əvvəl ÇL-də 100 matç həddini Ser Aleks Ferqyuson, Arsen Venger, Karlo Ançelotti, Joze Mourinyo və Mirça Luçesku keçib.

Qeyd edək ki, geridə qalan oyunlarda Pepin komandaları 61 dəfə qələbə qazanıblar.