[b]Messi Müllerin rekordunu təkrarladı[/b]
11.12.2017 - 09:40
“Barselona”nın futbolçusu Lionel Messi “Bavariya”nın sabiq hücumçusu Herd Müllerin rekordunu təkrarlayıb. Apasport.az saytı xəbər verir ki, söhbət hansısa futbolçunun Avropanın top-liqalarında bir komandada vurduğu qol sayından gedir.
Messi buna İspaniya çempionatının XV turunda “Vilyarreal”la matçda (2:0) fərqlənməklə nail olub. Görüşdə yekun hesabı müəyyənləşdirən argentinalı bununla “Barsa”dakı qollarının sayını 525-ə çatdırıb.
Nəticədə Messi Müllerin rekordunu təkrarlayıb.
Qeyd edək ki, Herd Müller “Bavariya”da 1964-1979-cu illərdə çıxış edib.
0
0