Kişi voleybolçulardan ibarət “Lokomotiv” klubunun “Çelenc Cup”da potensial rəqibi müəyyənləşib. Apasport.az saytının məlumatına görə, Azərbaycan çempionu bu gün Portuqaliya “Fonte Bastardo”sunu mübarizədən kənarlaşdırarsa, 1/8 finalda Yunanıstanda “Olimpiakos”u ilə üz-üzə gələcək.

Ellada təmsilçisi 1/16 finalda Fransa “Tours”unu mübarizədən kənarlaşdırıb. Belə ki, “Olimpiakos” evdə 3:0 hesabı ilə qalib gəldikdən sonra səfərdə eyni hesabla da uduzub. Bu səbəbdən qalib “Qızıl set”də müəyyənləşib. 15:11 hesabı ilə qələbə qazanan yunanlar mərhələ adlayıblar.

Qeyd edək ki, “Olimpiakos” ilk matçı evdə, cavab oyununu səfərdə keçirəcək.