Yığmamızın oyunçuları Türkiyədə məğlubiyyətə üzüldülər

Qadın voleybolçular arasında Türkiyə Sultanlar Liqasında XIII turun matçları keçirilib. Apasport.az saytının məlumatına görə, II dövrənin II həftəsi Azərbaycan millisinin oyunçuları üçün uğursuz alınıb.

 

Belə ki, Polina Rəhimovanın şərəfini qoruduğu “Fənərbaxça” “Halkbank”ın qonağı olub. Matç gözlənilmədən ev sahiblərinin 3:1 hesabı qələbəsi ilə yekunlaşıb. Hücumçumuz görüşdə 21 xal toplayıb.

 

Millimizin kapitanı Odina Əliyevanın çıxış etdiyi “Seramiksan” da eyni hesabla uduzub. Komanda “Bursa BB” ilə bacarmayıb. Əliyeva “Seramiksan”a 15 dəqiq zərbə ilə fayda verib.

 

Yığmamızın digər hücumçusu Yana Kulanın formasını geyindiyi “Beylikdüzü” isə “Vakıfbank”ı qəbul edib. Matç qonaqların 3:1 hesablı qələbəsi ilə yekunlaşıb. Kulan 23 xal toplamaqla matçın bombardiri olub.

 

“Beşiktaş”da çıxış edən Marqarita Əzizova da 1:3 hesablı məğlubiyyətə üzülüb. İstanbul təmsilçisinin uduzduğu görüşdə voleybolçumuz son setdə meydana çıxıb və 2 xal qazanıb.

 

Beləliklə, XIII turun yekununa əsasən 31 xala malik “Fənərbaxça” 3-cüdü. “Beşiktaş”ın 16 xalla 7-ci olduğu turnir cədvəlində “Beylikdüzü” 9-cü (13 xal), “Seramiksan” 10-cüdu (11 xal). 

Digər xəbərlər
Bütün xəbərlər
PREMYER-LIQA

1.

Qarabağ 27 19 5 3 36-13 62

2.

Qəbələ

27 14 7 6 43-25 49

3.

Neftçi 28 14 4 10 39-28 46

4.

Zirə

28 12 8 8 36-30

44

5.

Sumqayıt

28

11 7 10 34-33 40

6

Keşlə 28 8 7 13 29-39 31

7.

Səbail

28

6 5 17 19-39 23

8.

Kəpəz

28 3 5 20 18-47 14
               

 

Top 10