Tarık Elyunussi üçün yeni təklif

Tarık Elyunussinin “Qarabağ”dan ayrılması demək olar ki, dəqiqləşib. Apasport.az saytının İsveç mətbuatına istinadən məlumatına görə, bu ölkənin AİK klubu norveçli oyunçunun keçidində israr edir.

 

Belə ki, mövsümün sonuna kimi “Qarabağ”la icarə müqaviləsi olan hücumameyilli yarımmüdafiəçi burada heyətə düşə bilmədiyi üçün getmək istəyir. AİK futbolçunu almaq istəsə də, Elyunussinin transfer hüququna sahib olan “Olimpiakos” onu birdəfəlik satmaqda maraqlı deyil.

 

Belə olan halda AİK Yunanıstan təmsilçisi üçün yeni təklif hazırlayıb. Onlar Elyunussinin “Qarabağ”la qalan müqaviləsinin ləğv edilməsini və növbəti 6 ayı icarə əsasında İsveçə köçməsini təklif edirlər. Yayda isə tərəflər yenidən danışıqlar masası arxasına oturacaqlar.

 

İsveçli həmkarlarımız iddia edirlər ki, “Olimpiakos” bu təklifə isti yanaşır, amma məsələdə üçüncü tərəf olan “Qarabağ” hələlik heç bir rəsmi açıqlama verməyib.

 

Qeyd edək ki, Tarik Elyunussi cari mövsümdə “Qarabağ”ın heyətində 8 oyunda (4 çempionat, 1 kuboku, 3 Çempionlar Liqası) meydana çıxıb.

Digər xəbərlər
Bütün xəbərlər
PREMYER-LIQA

1.

Qarabağ 27 19 5 3 36-13 62

2.

Qəbələ

27 14 7 6 43-25 49

3.

Neftçi 28 14 4 10 39-28 46

4.

Zirə

28 12 8 8 36-30

44

5.

Sumqayıt

28

11 7 10 34-33 40

6

Keşlə 28 8 7 13 29-39 31

7.

Səbail

28

6 5 17 19-39 23

8.

Kəpəz

28 3 5 20 18-47 14
               

 

Top 10