Prezident Billiatı “Qarabağ”a buraxmağa razılıq verdi

“Hansısa futbolçu komandadan getmək istəyirsə, onun qarşısını kəsə bilmərik”. Apasport.az saytının CAR mətbuatına istinadən məlumatına görə, bunu “Mamelodi Sandaunz” klubunun prezidenti Patris Motsepe deyib.

 

Klub rəhbəri “Qarabağ”ın maraq dairəsində olan hücumçu Xama Billiata yeni müqavilə təklif etdiklərini, lakin futbolçunun buna “yox” cavabını verdiyini təsdiqləyib. O, Billiatla yanaşı, daha bir neçə oyunçunun başqa komandalardan təklif aldığını əlavə edib. Prezident hətta Azərbaycana köçməsi gözlənilən hücumçunun bu ay komandanı tərk edəcəyini üstüörtülü şəkildə söyləyib: “Bəzi futbolçular inkişaf etmək üçün başqa yerə getməlidilər. Hazırda aparıcı futbolçularımızdan ikisi ayın sonunda komandadan ayrılacaq. Bu, yaxşı haldı. Əmin olun ki, boşluğu doldurmaq üçün mükəmməl oyunçular alacağıq. Bu səbəbdən aparıcı futbolçularımızın komandadan ayrılmasından narahat deyilik”.

 

Yerli KİV 28 yaşlı forvardın CAR-dan bir neçə təklif almasına baxmayaraq, karyerasını Avropada davam etdirməkdə qərarlı olduğunu yazıb. Afrikadan kənarda isə ona rəsmi təklif göndərən yeganə komanda hələlik “Qarabağ”dı. Zimbabve millisinin üzvünün meneceri Siyabulela Loyilane oyunçunun gələcək taleyi ilə bağlı məsələlərə şərh verməkdən boyun qaçırıb.

 

Qeyd edək ki, Xama Billiatın “Mamelodi Sandaunz”la müqavilə müddət iyun ayına qədərdi.

Digər xəbərlər
Bütün xəbərlər
PREMYER-LIQA

1.

Qarabağ 27 19 5 3 36-13 62

2.

Qəbələ

27 14 7 6 43-25 49

3.

Neftçi 28 14 4 10 39-28 46

4.

Zirə

28 12 8 8 36-30

44

5.

Sumqayıt

28

11 7 10 34-33 40

6

Keşlə 28 8 7 13 29-39 31

7.

Səbail

28

6 5 17 19-39 23

8.

Kəpəz

28 3 5 20 18-47 14
               

 

Top 10