[b]Millətlər Liqası: Səbətin ən zəifi Azərbaycan imiş...[/b]
18.01.2018 - 14:39
[b]Millətlər Liqası: Səbətin ən zəifi Azərbaycan imiş...[/b]

Yanvarın 24-də yeni turnir – UEFA Millətlər Liqasının püşkü atılacaq. Apasport.az saytının məlumatına görə, Azərbaycan millisi Avropanın ən zəiflərinin mübarizə aparacağı D liqasında çıxış edəcək.

 

Qitənin ən zəif 16 yığması bu gün açıqlanan FİFA reytinqində müxtəlif mövqelərdə qərarlaşıb. Hətta Azərbaycan millisinin UEFA və FİFA reytinqlərindəki mövqeyi düz mütənasib deyil.

 

Qitə futbol qurumu öz əmsallarına əsaslanıb, yığmaları liqalara böləndə, komandamız ən aşağı dəstənin 1-cisi qəbul olunmuşdu. Amma FİFA reytinqi göstərir ki, D liqasında 1-ci komanda biz deyilik.

 

Ümumiyyətlə, püşkdə potensial rəqibimiz olacaq 11 komandanın, elə 1-ci yerlə pley-offa yüksəlsək, qarşılaşa biləcəyimiz digər 4 yığmanın da FİFA-nın cədvəlindəki mövqeyi maraq doğurur.

 

Bugünkü cədvəldə liqanın ən güclüsü Makedoniyadı. Balkanlılar 73-cü sırada qərarlaşıb. Həm onlar, həm də ilk “yüzlük”də olan Belarusla eyni səbətdə yer almağımız qrupda rəqib olmağımıza imkan vermir. Ümumiyyətlə, səbətin ən zəifi elə millimizdi. Çünki Gürcüstan da bizdən 14 addım öndədi.

 

FİFA reytinqinə baxsaq, ikinci səbət daha güclüdü. Çünki burada 3 komanda “yüzlük”dəndi. Onlardan biri – Ermənistanla yalnız pley-offa görüşə bilərik.

 

Amma D liqasının ikincisi olan Lüksemburq, həmçinin Farer adaları heç də arzulanan rəqib deyil. FİFA reytinqini əsas götürsək, Qurban Qurbanovun baş məşqçisi olduğu yığmamız II səbətdən yalnız Latviyanı arzulaya bilər. Bu komanda bizdən də geridədi.

 

Yeri gəlmişkən, yığmamız ilk iki səbətdən yalnız 1 komanda – Latviyanı arxada qoyur. Bu isə o deməkdi ki, UEFA-nın 1-ci saydığı komandamız FİFA reytinqində liqanın 7-cisidi.

 

Digər 2 səbətdəki mümkün komandaların hamısı münasib rəqib sayılır. Çünki 3-cü səbətdən yalnız Qazaxıstan, sonuncudan isə Andorra 3-cü “yüzlük”də, qalanları daha aşağıdadı. Bu iki komanda da 135-136-cı sıralarda qonşudular.

 

FİFA reytinqindəki mövqelərinə görə yığmamıza ən ideal rəqiblər Latviya, Malta və Cəbəllütariqdən ibarət “üçlük”dü. Lüksemburq, Qazaxıstan və Andorra ilə birgə yer alması isə millimiz üçün ən çətin variant hesab olunur.

 

D liqası

 

I səbət

 

118 (1). Azərbaycan - 281

73 (2). Makedoniya - 446

93 (3). Belarus - 372

104 (4). Gürcüstan - 322

 

II səbət

 

90 (5). Ermənistan - 383

131 (6). Latviya - 233

97 (7). Farer adaları - 364

84 (8). Lüksemburq - 407

 

III səbət   

 

135 (9). Qazaxıstan - 220

166 (10). Moldova - 112

182 (11). Lixtenşteyn - 86

185 (12). Malta - 66

 

IV səbət

 

136 (13). Andoora - 215

178 (14). Kosovo - 97

204 (15). San Marino - 11

206 (16). Cəbəllütariq - 0

 

Qeyd: yığmaların FİFA reytinqindəki yerindən sonra mötərizədə UEFA reytinqinə əsasən D liqasında neçənci olması göstərilib.

0