Beynəlxalq Cüdo Federasiyası yeni reytinq cədvəli açıqlayıb. Apasport.az saytının məlumatına görə, siyahını Azərbaycan millisinin aparıcı idmançıları üçün uğurlu hesab etmək olar.

Yığmamızın əsas cüdoçularının hamısı mövqeyini qoruyub. Onlardan 10-u Top-20-dədi. Belə ki, Orxan Səfərov (60 kq) yenə 7-ci, Nicat Şıxəlizadə (66 kq) 14-cü, Rüstəm Orucov 3-cü, Hidayət Heydərov (hər ikisi 73 kq) 4-cü, Məmmədəli Mehdiyev (90 kq) 11-ci, Tural Səfquliyev (90 kq) 17-ci, Elxan Məmmədov 4-cü, Elmar Qasımov (hər ikisi 100 kq) 6-cı, Uşanqi Kokauri (+100 kq) 18-ci, İrina Kindzerska (+78 kq) 7-cidi.