Kişi voleybolçular arasında Ukrayna çempionatında IX tura yekun vurulub. Apasport.az saytının məlumatına görə, hesabat turunda həmyerlimiz Vasif Talıbovun baş məşqçisi olduğu "Vinnitsa" “Dnepr”in qonağı olub.

Reqlamentə əsasən komandalar 2 dəfə üz-üzə gəliblər. Hər 2 qarşılaşmada təmsilçimizin komandası qalib gəlib. İlk matçda rəqibini 3:1 hesabı ilə məğlub edən "Vinnitsa" ikinci görüşünü set vermədən hesabına yazıb.

Bu qələbələrdən sonra onlar Ukrayna çempionatında 1-ci yerdədi. "Qırmızı-qaralar" keçirdiyi 18 oyunun 14-də qalib gəlib və 41 xala malikdi. "Vinnitsa" ikinci yerdə qərarlaşan “Lokomotiv”i set fərqinə görə qabaqlayır. 

Qeyd edək ki, Talıbov "Rabitə" və "Telekom"da məşqçi kimi fəaliyyət göstərib.