Bu gün futzal üzrə Azərbaycan çempionatının Yüksək Liqasında XV turun iki oyunu keçirilib. Apasport.az Azərbaycan Futzal Federasiyasının rəsmi feysbuk saytına istinadən xəbər verir ki, qış fasiləsindən sonra ilk duel əzəli rəqiblər arasında baş tutub.

Lider “Araz” ilk “3-lük”də yer alan EKOL-la üz-üzə gəlib. Bu komandalar arasında ilk 2 dövrədə baş tutan hər iki oyunda son çempion 2:1 hesabı ilə qalib gəlmişdi. Budəfəki oyunda da qələbəni “Araz” qazanıb. Turnir cədvəlinə başçılıq edən komanda 3 xalı 3 cavabsız qolla əldə edib.

Günün ikinci oyununda debütantlar qarşılaşıb. Turnir cədvəlində fərqli mövqelərində yer alan komandaların duelində favorit sayılan “Marafon Futsal” turu itkisiz keçib. Bu qarşılaşmanın taleyini 1 qol həll edib.

Qeyd edək ki, “Neftçi” İK – “Yasamal” FK oyunu qeyri-müəyyən vaxta təxirə salınıb.

Yüksək Liqa

XV tur

EKOL – “Araz” - 0:3 
14 fevral. Bakı İdman Sarayı. Saat 14:30
Hakimlər: Yusif Nurullayev, Hikmət Qafarlı, Azad Hüseynov
Hakim-inspektor: Ağarza Rzayev
Sarı vərəqə: N. Məmmədkərimov, 32:57 // X. Bağırov, 7:48, R. Çovdarov, 16:15, E. Borges, 39:24
Qol: T. Bolinya, 19:18, E. Borges, 24:12, R. Çovdarov, 39:24

EKOL: 99. Emin Kürdov (q), 4. Fərid Atakişiyev, 9. Əsgər Abasov, 11. Namiq Məmmədkərimov (k), 14. Zaur Fərziyev, 1. İntiqam Babayev (q), 2. Radik Əhmədov,17. Fərid Ələkbərov, 10. Samir Həmzəyev, 7. Sərxan Məstiyev, 13. Taleh Ağayev, 33. Ələsgər Ələsgərli 
Baş məşqçi: Radik Əhmədov
“Araz”: 1. Rövşən Hüseynli (q), 6. Eduardo Borges, 3. Teles Thaqo Bolinya, 8. Rizvan Fərzəliyev (k), 13. Kardosa Everton Qalo, 19. Anar Məmmədov (q), 7. Ramiz Çovdarov, 11. Xətai Bağırov, 9. Oktay Rüstəmli, 10. Reza Tolouei, 18. Adil ismayılov
Baş məşqçi: Joze Alesio da Silva

“FK.İD.Futsal” – “Marafon Futsal” - 0:1
14 fevral. Bakı İdman Sarayı. Saat 16:00
Hakimlər: Elçin Səmədli, Ramil Namazov, Kənan Məlikov
Hakim-inspektor: Şahin Cəfərov
Qol: O. Talebi, 9:54
Sarı vərəqə: R. Fərəczadə, 0:48, F. Əliyev, 31:08 // S. Çumakov, 0:41

“FK. İD. Futsal”: 1.Ümid Paşayev (q), 7. Rəcəb Fərəczadə, 8. Nihad İsmayılov, 9. Elşən İbrahimxəlilov, 10. Faiq Əliyev, 12. Ramil Həsənzadə (q, k), 4. Elvin Quliyev, 5. Asif Zeynalov, 6. Anar Ağayev, 13. Ağatahir Əzimov 
Baş məşqçi: Rəfael Adbulov

“Marafon Futsal”: 12. Kəsra Mehdipour (q), 10. Seymur Məmmədov, 7. İlkin Hacıyev, 9. Omid Talebi, 13. Məcid Moravati, 2. Kamran Hacıyev (q), 8. Renat Sultanov (k), 11. Vasili Jarikov, 20. Sergey Çumakov, 4. İbrahim Zeynalov, 22. Tofik Əliyev, 77. Vyaçeslov Tservo, 99. Rüstəm Bağırzadə
Baş məşqçi: Elşad Quliyev

Bombardir: Renat Sultanov (“Marafon Futsal”) – 16 qo