"Sabah bizi çox çətin oyun gözləyir. İki oyundu qələbə qazanırıq”. Apasport.az saytı xəbər verir ki, bu sözlər “Neftçi”nin futbolçusu Rəhman Hacıyevə məxsusdu.

"Ağ-qaralar” Azərbaycan Premyer Liqasının XX turunda "Qarabağ”la keçirəcəyi oyunun hazırlığını davam etdirir. Paytaxt klubunun bugünkü məşqindən sonra yarımmüdafiəçi Rəhman Hacıyev “Neftçi TV”yə açıqlama verib.

O, "Qarabağ”la oyunöncəsi fikirlərini bildirib: “Komandada inam və istək var. Hər şey qaydasındadı. Meydana 3 xal üçün çıxacağıq. İnşallah, qələbə qazanarıq. Komandama inanıram”.

Qeyd edək ki, martın 14-də 8-ci km stadionunda keçiriləcək "Neftçi” – "Qarabağ” oyunu saat 18:00-da başlanacaq.