Martın 16-da futzal üzrə Yüksək Liqada XXI turun oyunları keçiriləcək. Apasport.az saytının məlumatına görə, sarı vərəqə limitini dolduran üç oyunçu turu buraxacaq.

Hər üç cəzalı “Araz”ın üzvləridi. Belə ki, 2 gün əvvəl “Neftçi” ilə oyunda sarı vərəqə alan Eduardo Borges, Rizvan Fərzəliyev və Ramiz Çovdarov çempionatın autsayderi “Xəmsə” ilə duelə çıxmayacaqlar. Son ölkə çempionunu çətin vəziyyətə hər üç oyunçusunun mövsümdə 4-cü xəbərdarlığı almasıdı.