Kiprin I Divizionunda XXIX turun oyunları keçirilir. Apasport.az saytının məlumatına görə, milli komandamızın futbolçusu Araz Abdullayevin şərəfini qoruduğu “Anortosis” də növbəti matçına çıxıb.

Famaqusta təmsilçisi səfərdə AEL-lə qarşılaşıb. Görüş qonaqların 2:0 hesablı qələbəsi ilə yekunlaşıb.

Matça ehtiyat oyunçular skamyasında başlayan Araz 89-cu dəqiqədə meydana çıxıb. 

Qeyd edək ki, 29 oyundan sonra 60 xal toplayan “Anortosis” turnir cədvəlinin üçüncü pilləsində qərarlaşıb.