21 yaşadək futbolçulardan ibarət Azərbaycan yığması Avropa çempionatlarının seçmə mərhələlərində 11-ci baş məşqçisi ilə matça çıxıb. Apasport.az saytının məlumatına görə, Kosovo ilə səfər görüşündəki debüt Rəşad Sadıqov üçün uğurlu alınmayıb.
Gənc çalışdırıcı sonuncu olmamaq uğrunda mübarizədəki əsas rəqibə 0:2 hesablı məğlubiyyətə üzülüb. Əslində, baş məşqçimizin debütdə məğlubiyyət acısı yaşaması millimiz üçün adiləşib.
Çünki Rəşaddan əvvəl yığmaya rəhbərlik edən 10 məşqçidən 9-u da “siftə”də xala həsrət qalıb. Yalnız bir istisna – Ağasəlim Mircavadov var. O, U-21-də seçmə oyunlarında ilk matçında Macarıstan üzərində qələbəyə sevinib – 2:1. Bu, uzaq 1998-ci ildə gerçəkləşib.
Rəşad isə debütdə uduzan 10-cu çalışdırıcı olub. Bu yenilgilərdən 4-ü evdə, 6-sı səfərdə alınıb. Bir məğlubiyyət isə 1:2 hesabı ilə uduzduğumuz görüşün nəticəsi ləğv olunduqdan sonra texniki nəticədən ibarətdi.
U-21-in baş məşqçilərinin seçmə mərhələdə debütü
Valeri Hacıyev
06.09.1994. Rumıniya - Azərbaycan – 5:2
Vaqif Sadıqov
28.03.1995. Slovakiya – Azərbaycan – 3:0
Ağasəlim Mircavadov
09.10.1998. Azərbaycan – Macarıstan – 2:1
Əsgər Abdullayev
02.09.2000. Azərbaycan – İsveç – 0:5
Yaşar Vahabzadə
11.06.2003. Azərbaycan – Serbiya və Monteneqro – 0:2
Təbriz Həsənov
02.09.2005. Almaniya – Azərbaycan – 2:0
Nazim Əliyev
11.05.2006. Azərbaycan – İrlandiya - -:+
Şakir Qəribov
02.06.2007. Yunanıstan – Azərbaycan – 4:1
Bernard Lippert
25.03.2008. Azərbaycan – İtaliya – 0:2
Samir Ələkbərov
06.10.2017. Almaniya – Azərbaycan – 6:1
Rəşad Sadıqov
22.03.2018. Kosovo – Azərbaycan – 2:0