[b]“4-5 ildən sonra Kosovo hörmət olunacaq rəqibə çevriləcək” – kosovolu çalışdırıcı[/b]
23.03.2018 - 10:03
[b]“4-5 ildən sonra Kosovo hörmət olunacaq rəqibə çevriləcək” – kosovolu çalışdırıcı[/b]

“Kosovo yığmasının yaxşı futbol oynaması göz qabağındadı. Bu da mənim öncə dediklərimin təsdiqləyir”. Apasport.az saytının məlumatına görə, bu sözləri Kosovonun U-21 yığmasının baş məşqçisi Rafet Prekazi deyib.

 

O, AVRO-2019-un seçmə mərhələsinin Azərbaycanla görüşündəki 2:0 hesablı qələbəyə şərh verib: “Bu futbolçular necə oynamaq lazım olduğunu bilirlər. Komandamızın əvvəlki görüşlərdə daha yaxşı oynadığı vaxtlar da olub. Aldığımız məğlubiyyətlərə isə layiq deyildik. Amma təcrübə çatışmazlığı sözünü deyirdi. Azərbaycanla oyunda Kosovo çempionatından da futbolçulara şans verdim. Əminəm ki, futbolumuzun çox yaxşı nəticələrə kifayət edəcək potensialı var. Bu komandanın baş məşqçisi olmaqdan məmnunam. Vaxt lehimizə işləyir. İnanıram ki, 4-5 ildən sonra Kosovo hörmət olunacaq rəqibə çevriləcək. Yetirmələrimin Almaniyaya qarşı da yaxşı oynayacağını gözləyirəm. Lakin yaxşı bilirik ki, dünya futbolunun nəhəngi ilə qarşılaşacağıq”.

0