Bu gün qadın voleybolçular arasında Azərbaycan Super Liqasında IV dövrənin oyunlarına start verilib. Apasport.az saytının məlumatına görə, X turun hər 2 qarşılaşması Voleybol Mərkəzində təşkil olunub.

Tura “Lokomotiv” – “Abşeron” qarşılaşması ilə start verilib. İlk 3 dövrədə nəinki xal, set belə qazana bilməyən “dəmiryolçular”ın rəqiblərinə ciddi müqavimət göstərməsi inandırıcı deyildi. Gözlənildiyi kimi, rahat qələbə qazanan “Abşeron” növbəti 3 xal sayəsində gümüş medalı özü üçün təmin edib.

Günün ikinci görüşündə AVF artıq çempionluğunu rəsmiləşdirən “Azərreyl”lə üz-üzə gəlib. Məğlubiyyətsiz irəliləyən “dəmiryolçular” yenə büdrəməyib. AVF isə məğlubiyyətlə gümüş medal şansını əldən verib.

Super Liqa

5 aprel

X tur

AVF – “Azərreyl” - 0:3 (10:25, 19:25, 24:26)

I dövrə: “Azərreyl” - AVF - 3:0 (25:23, 25:19, 25:13)

II dövrə: AVF – “Azərreyl” - 0:3 (19:25, 22:25, 17:25)

III dövrə: “Azərreyl” – AVF - 3:1 (25:21, 21:25, 25:16, 25:21)

“Lokomotiv” – “Abşeron” - 0:3 (15:25, 11:25, 15:25)

I dövrə: “Lokomotiv” – “Abşeron” - 0:3 (21:25, 17:25, 19:25)

II dövrə: “Abşeron” – “Lokomotiv” – 3:0 (25:22, 25:19, 25:13)

III dövrə: “Abşeron” – “Lokomotiv” - 3:0 (25:11, 25:10, 25:17)