“Şəhriyara uduzsaydım çox məyus olardım” - Maqnus Karlsen

Vüqar Həşimovun xatirəsinə həsr olunan “ShamkirChess 2018” superturnirinin I turunda Şəhriyar Məmmədyarov dünya çempionu Maqnus Karlsenlə  heç-heçə edib. Apasport.az turnirin mətbuat xidmətinə istinadən məlumat verir ki, görüşdən sonra norveçli şahmatçı ilk turda məğlubiyyət barədə düşünmədiyini bildirib.

 

O deyib ki, maraqlı, amma təhlükəli olmayan partiya keçib: “Səhvlərə imkan verilmədi. Uduzsaydım çox məyus olardım. Rəqib ehtiyatlı və diqqətli oynayırdı. Fikrimcə, növbəti turlarda da diqqətli olmaq lazımdı. Reytinq bizi aldatmalı deyil. Bütün rəqiblər xal qazanmaq istəyir. Ona görə sürpriz etməmək üçün diqqətli olmaq lazımdı".

Dünya çempionu mərhum şahmatçı Vüqar Həşimov barədə suala cavabında 2008-ci ildə Bakıda keçirilən FİDE Qran-Pri turnirini xatırlayıb: "Vüqarın yoxluğu barədə xəbər məni çox sarsıtdı. 2008-ci ildə Bakıda FİDE Qran-Pri turnirində rəqib olmuşuq. Həşimov çətin vəziyyətlərdən məharətlə çıxmağı bacarırdı. Həmin turnirdə Vüqara qarşı üstünlüyüm var idi, amma vəziyyəti ustalıqla dəyişdi. Nəticədə üstün olduğum oyunda heç-heçə qeydə alındı. Yekunda Qran-Pridə Vüqarla 1-2-ci yerləri bölüşdürdük. Çox güclü şahmatçı olub. Hətta məğlubiyyət qaçılmaz olduğu partiyalarda nəticəni dəyişirdi".

Digər xəbərlər
Bütün xəbərlər
PREMYER-LIQA

1.

Qarabağ 27 19 5 3 36-13 62

2.

Qəbələ

27 14 7 6 43-25 49

3.

Neftçi 27 13 4 10 37-27 43

4.

Zirə

27 11 8 8 34-29

41

5.

Sumqayıt

27

11 7 9 33-31 40

6

Keşlə 27 7 7 13 28-39 28

7.

Səbail

27

6 5 16 19-38 23

8.

Kəpəz

27 3 5 19 17-45 14
               

 

Top 10