Monte-Karloda kişi tennisçilərin “Masters 1000” seriyalı turnirinə yekun vurulub. Apasport.az saytının məlumatına görə, finalda Rafael Nadal Key Nisikori ilə üz-üzə gəlib.

İlk setin üçüncü qeymində servisini qırdıran ispan tennisçi daha sonra ardıcıl iki breyklə üstünlüyü ələ alıb. İkinci setdə də çətinlik çəkməyən Nadal 1 saat 34 dəqiqə davam edən oyundan 2:0 hesabı ilə qalib ayrılaraq, 11-ci dəfə Monte-Karloda çempionluq sevinci yaşayıb.

Monte-Karlo Masters

Final

Rafael Nadal (İspaniya) – Key Nisikori (Yaponiya) – 2:0 (6:3, 6:2)

Bir set belə, uduzmayan Nadal ardıcıl üçüncü dəfədi turnirin qalibi olur. Həmçinin, dünya bir nömrəsi 2005-2012-ci illər aralığında 8 dəfə Monte-Karloda hamıdan güclü olmuşdu.

Beləliklə, 31-ci “Masters” çempionluğunu qazanan Rafael Nadal bu göstərici üzrə kişi tennisçilər arasında liderliyi ələ alıb.