Bakı-2019: Yığmalarımızın 14 rəqibi dəqiqləşdi

2019-cu ildə Bakıda keçiriləcək Yeniyetmələrin Avropa Olimpiya Festivalı çərçivəsində baş tutacaq voleybol yarışlarına qatılacaq yığmalar dəqiqləşib. Apasport.az saytının məlumatına görə, lisenziyalar Avropa birinciliyinin yekununa əsasən dəqiqləşib.

 

Belə ki, 17 yaşadək qızlar arasında keçirilən yarışın çempionu Rusiya, finalçısı İtaliya və bürünc medalçısı Türkiyə Bakıda iştirak hüququna yiyələnib. Onlarla yanaşı, növbəti 4 yerdə qərarlaşan Bolqarıstan, Rumıniya, Belarus və Almaniya da Azərbaycanda keçiriləcək festivala lisenziyaya sahib olublar.

 

18 yaşadək oğlanlar arasında Avropa çempionatı isə Zilin və Puxov şəhərlərində keçirilib. Çexiya və Slovakiyanın birgə ev sahibliyi etdiyi turnirdə Almaniya voleybolçuları birinci yeri tutublar. Onlar həlledici görüşdə Çexiyaya qalib gəliblər. İlk “üçlüy”ü İtaliya qapayıb. Bu yığmalarla yanaşı, “yeddilik”də qərarlaşan Rusiya, Belarus, Bolqarıstan və Belçika da Bakı-2019-da iştirak hüququna yiyələnib.

 

Həm qızlar, həm də oğlanların yarışında 8-ci komanda təşkilatçı kimi Azərbaycan olmalıdı. Əgər yığmamızdan hansısa bu yarışa qatılmaqdan imtina edərsə, onların əvəzləyiciləri də bəllidi. Bu qızların yarışında Sloveniya, oğlanların mübarizəsində Fransadı.

Digər xəbərlər
Bütün xəbərlər
PREMYER-LIQA

1.

Qarabağ 27 19 5 3 36-13 62

2.

Qəbələ

27 14 7 6 43-25 49

3.

Neftçi 28 14 4 10 39-28 46

4.

Zirə

28 12 8 8 36-30

44

5.

Sumqayıt

28

11 7 10 34-33 40

6

Keşlə 28 8 7 13 29-39 31

7.

Səbail

28

6 5 17 19-39 23

8.

Kəpəz

28 3 5 20 18-47 14
               

 

Top 10