[b]Yığmamız Gürcüstanla bacarmadı[/b]
25.04.2018 - 19:37
Türkiyənin Antalya şəhərində təşkil olunmuş beynəlxalq turnirdə iştirak edən 2003-cü il təvəllüdlü futbolçulardan ibarət yığma komandamız növbəti oyununu keçirib. Apasport.az saytının məlumatına görə, Azər Məmmədovun rəhbərlik etdiyi komanda Gürcüstanın 2003-cü il təvəllüdlü futbolçulardan ibarət yığması ilə qarşılaşıb.
Oyun rəqibin 2:1 hesablı qələbəsi ilə başa çatıb. Komandamızın qoluna Bəhruz Tanrıverdiyev imza atıb.
Aprelin 27-də keçiriləcək növbəti oyunda yığmamız Türkiyənin 2003-cü il təvəllüdlü futbolçulardan ibarət yığma komandası ilə qarşılaşacaq.
Qeyd edək ki, millimiz turnirdəki ilk matçında Türkiyənin 2004-cü il təvəllüdlülərdən ibarət komandası ilə heç-heçə edib – 1:1.
Mənbə: affa.az
0
0