Macarıstanın paytaxtı Budapeştdə qramplinq üzrə dünya çempionatı başa çatıb. Apasport.az saytının məlumatına görə, 67 ölkənin qatıldığı yarışda Azərbaycan da təmsil olunub.

İdmançılarımızdan Rüstəm Müslümov yarışı gümüş medalla başa vurub. Bu, Fövqəladə Hallar Nazirliyinin əməkdaşı olan qramplinqçinin dünya çempionatında ikinci mükafatı olub.

Qeyd edək ki, Xüsusi Riskli Xilasetmə Xidmətində çalışan Müslümov ikiqat Azərbaycan çempionudu.