Rusiyada keçiriləcək DÇ-2018 ərəfəsində FİFA-nın Konqresi baş tutacaq. Apasport.az saytının məlumatına görə, tədbir iyunun 13-də təşkil olunacaq.

Moskvada keçiriləcək Konqresin gündəliyində əsas məsələlər növbəti iki mundialla bağlıdı.

FİFA 2022-ci ildə Qətərdə baş tutacaq yarışda iştirakçıların sayının 32 deyil, 48 olmasını müzakirə edəcək və yekun qərarını açıqlayacaq. Final mərhələsindəki iştirakçı sayı da məhz həmin iclasda dəqiqləşəcək.

Konqresdə DÇ-2026-nın ev sahibi də müəyyənləşəcək. FİFA iki variant arasında seçim edib, yekun qərar verəcək. Bunlar Mərakeş və birgə namizədliyini irəli sürən Şimali Amerika “üçlüy”ü – ABŞ, Kanada ilə Meksikadı.