[b]“Komanda daha dinamikdi” - Ufuk Budak[/b]
27.05.2018 - 17:52
[b]“Komanda daha dinamikdi” -  Ufuk Budak[/b]

Azərbaycan millisinin futbolçusu Ufuk Budak bu gün keçirilən yığma üzvlərinin mətbuat konfransında iştirak edib. Apasport.az saytının məlumatına görə, milliləşən legioner klub karyerası və yığma barədə sualları cavablandırıb.

 

- “Samsunspor”dan ayrıldın. Karyeranı harada davam etdirə bilərsən?

- Müqaviləm bitdi. Gələcəyimlə bağlı hələlik heç nə bəlli deyil.

 

- 6 gün “Qarabağ”la məşq etmisən. Orda qalmaq istərdinmi?

- Qurban Qurbanov məşq əskikliyim olduğu üçün məni dəvət etmişdi. Başqa söhbətimiz olmayıb.

 

- Əvvəllərdə millidə olmusan. Düşərgədə hansı dəyişikliklər var?

- Çox fərqli simalar var. Komanda gəncləşib, daha dinamikdi.

 

- Oynamadığın müddətdə Azərbaycan yığmasını diqqətdə saxlayırdınmı?

- Təbii, çünki bu millinin üzvüyəm. Mümkün qədər hər matçı izləməyə çalışırdım.

 

- Azərbaycan vətəndaşlığından çıxıb, yenidən Türkiyə vətəndaşı olmaq məsələn gündəmdədi...

- Hər iki ölkənin pasportuna sahibəm. Belə bir şey yoxdu.

 

- Prosineçki ilə aranızda problem var idi?

- Bunu Robert Prosineçkidən soruşsaz, daha yaxşı olar. Sadəcə, Avstriyada toplantıya qatılmaq imkanım olmuşdu.

 

0