Bakı. Mehman Süleymanov - APA-Sport. Türkiyəli hücumçu Hakan Şükürü transfer etmək istəyən “Xəzər-Lənkəran” klubu müdafiəçi də axtarır. Bu haqda “APA-Sport” agentliyinə məlumat verən komandanın baş məşqçisi Ağasəlim Mircavadovun sözlərinə görə, daha çox sağ cinah müdafiəçisinə ehtiyac var. 61 yaşlı mütəxəssis bildirib ki, həmin mövqedə çıxış edən Mahir Şükürov komandadan öz istəyilə gedib: “Mahir getmək istədi, biz də ona əngəl törətmədik. Karyerasını paytaxtda davam etdirmək fikrindədir”.