Bakı. Mehman Süleymanov - APA-Sport. “Neftçi” estoniyalı sol cinah yarımmüdafiəçisi Dmitri Kruqlovun ardınca Moskvanın “Lokomotiv” klubundan daha bir futbolçunu heyətinə qatır. Bu haqda “APA-Sport” agentliyinə məlumat verən “Neftçi”nin ukraynalı baş məşqçisi Anatoli Demyanenko gürcüstanlı hücumçu Georgi Çelidzenin yolunu gözlədiklərini söyləyib: “Bizə hücumçu və hücumameylli yarımmüdafiəçi lazımdır. Bu məqsədlə üç futbolçu təklif olunub. Müqavilə ilə “Lokomotiv”ə məxsus olan gürcüstanlı futbolçu ilə yanaşı, Nigeriya və Kamerundan da oyunçular gələcək. Onları İntertoto kubokuna hazırlıq dönəmində baxışa çağırmışıq. Bəyəndiklərimizlə müqavilə imzalayacağıq”.