Bu tikinti UEFA qaydalarına zidd olduğundan qurumun rəsmiləri ticarət mərkəzinin inşasını dərhal dayandırmağı tələb edirlər. Ancaq Ukrayna Gənclər və İdman Nazirliyi, Futbol Federasiyası və digər əlaqədar təşkilatlar ortaq məxrəcə gələ bilmirlər. Mövcud problem tezliklə yoluna qoyulmayacağı təqdirdə, UEFA adekvat addım atacaq. Mişel Platinin rəhbərlik etdiyi qurumun bununla bağlı iyulun ilk günlərində qərar çıxaracağı gözlənilir. Çempionatın təşkilatçılıq hüququnun Ukrayna və Polşadan alınacağı ehtimal edilsə də, ev sahibliyinə iddialı yeni ölkələrin adları hələlik açıqlanmır.