Bakı. Mehman Süleymanov - APA-Sport. Azərbaycan milli komandasının müdafiəçisi Elvin Əliyevin “Bakı” klubuna keçidi rəsmiləşib. Bu haqda “APA-Sport” agentliyinə məlumat verən E.Əliyevin sözlərinə görə, son iki ildə şərəfini qoruduğu Bakının “Olimpik” klubundan yeni təklif gözləsə də, bu alınmayıb: “Baş məşqi məni saxlamaq istəmədi. Hər halda, “Olimpik”dən müqavilənin uzadılması barədə xəbər çıxmadı”. 24 yaşlı müdafiəçi “Bakı” ilə iki bu gün iki illik müqavilə bağladığını söyləyib: “Bakı”nın yaxşı rəhbərliyi var, maliyyə məsələlərində ortaq məxrəcə gəldik. Komanda qarşısına yüksək vəzifə qoyub ki, mən də bunu reallaşdırmaq üçün bacardığım köməyi göstərəcəyəm”.