Onun sözlərinə görə, paytaxtımıza gəlmək üçün Braziliya və Portuqaliya milli komandalarından ilkin razılıq alınıb: “Hazırda maddi məsələlərlə bağlı danışıqlar aparılır. Bu yığmalar Bakıdakı beynəlxalq turnirə qatılmaq üçün müəyyən məbləğdə pul istəyiblər. Milli komandaların reytinq cədvəlində Braziliya 1-ci, Portuqaliya isə 2-ci yerdədir. Buna görə də hər iki kollektiv xarici ölkələrdəki yarışlara dəvət alarkən təşkilatçılardan pul tələb edir”. C.Xəlilbəyli vurğulayıb ki, avqustda Bakıda keçiriləcək çimərlik futbolu üzrə ilk beynəlxalq turnirdə Fransanın da iştirak edəcəyi istisna deyil. Gürcüstan və Qazaxıstan yığmalarının isə yarışa qatılacaqları dəqiqdir.