Bakı. Kənan Həsənov - APA-Sport. İyulun 8-də Rusiyanın Poykovsk şəhərində XII dünya çempionu Anatoli Karpovun şərəfinə həsr olunan beynəlxalq turnirdə iştirak edəcək bütün şahmatçıların adları açıqlanıb. “APA-Sport” agentliyinin məlumatına görə, Azərbaycan yığmasının üzvü Vüqar Həşimovun da dəvət aldığı XIX kateqoriyalı yarışda Aleksey Şirov (İspaniya), Emil Sutovski (İsrail), Viorel Boloqan (Moldova), Dmitri Yakovenko, Sergey Rublyovski, Ernesto İnarkiyev (hamısı Rusiya), Aleksandr Onişuk (ABŞ), Van Xao (Çin) və Andrey Volokitin qüvvəsini sınayacaq. Dairəvi sistemlə keçiriləcək yarış iyulun 17-də başa çatacaq.