Rəşad Əhmədov: “Pekin Yay Olimpiya Oyunlarında medalsız qalmağıma səbəb tapa bilmirəm”
26.08.2008 - 12:57
Rəşad Əhmədov: “Pekin Yay Olimpiya Oyunlarında medalsız qalmağıma səbəb tapa bilmirəm”
“Bürünc medal uğrunda ABŞ təmsilçisi Stiven Lopeslə döyüşün axırıncı saniyələrində bir-birimizə zərbələr endirdik. Onun zərbəsi əlimə, mənimki isə onun sinəsinə dəydi. Hakimlər hər ikimizə xal verə bilərdilər. Amma yalnız rəqibim xal aldı”. Pekin Olimpiadasına ciddi hazırlaşdığını deyən R.Əhmədov ardıcıl iki yay olimpiya oyunlarında 5-ci yeri tutmasından təəssüfləndiyini bildirib. Taekvondoçumuz özünü məğlub olduğu rəqibləri, ikiqat olimpiya çempionları Həmid Saei (İran), eləcə də Stiven Lopesdən zəif saymadığını söyləyib. O, yalnız bəxtsizlik üzündən fəxri kürsüyə yüksələ bilmədiyini vurğulayıb. Hazırda istirahətə ehtiyacı olduğunu nəzərə çatdıran R. Əhmədov bildirib ki, gələcək karyerası ilə bağlı qəti qərarını bir müddətdən sonra açıqlayacaq
0