Bakı. Kənan Həsənov - APA-Sport. Əmrə Bələzoğlu türkiyəli jurnalisti və NTV kanalını məhkəməyə verəcək. “APA-Sport”un məlumatına görə, yığmanın kapitanı bu addımını idman yazarı Hincal Ulucun adıçəkilən kanalda ünvanına təhqiramiz ifadələr işlətdiyi üçün atacağını bildirib: “90 dəqiqə” adlı verilişdə jurnalist haqqımda təhqiramiz ifadələrə yol verib. Bunun qarşılığı olaraq hüquqi haqlarımı nəzərə alıb Ulucu və işlətdiyi sözlərin yayınlanmasına izin verən kanal haqqında təzminat davası açacağam”.