Bakı. Vüqar Xeyrullayev - APA-Sport. “Qrupumuzun heç bir komandası üçün Bakıda Azərbaycanla qarşılaşmaq asan olmayacaq”. “APA-Sport”un məlumatına görə, bu sözləri Rusiya milli komandasının kapitanı Sergey Semak deyib. 32 yaşlı futbolçu bildirib ki, 2010-cu il dünya çempionatının seçmə mərhələsində işləri çətin olacaq: “Rəqiblərimizin heç birindən çəkinməməliyik. Lakin seçmə mərhələnin 900 dəqiqəsi boyunca sayıqlığı əldən vermək olmaz. Bu dəfə Xorvatiya bizə kömək etməyəcək. Azərbaycanla müqayisədə Lixtenşteynin işi daha çətindir. Amma düşünürəm ki, onlardan kiminsə büdrəməsinə səbəb olacaq”.