Bakı. Mehman Süleymanov - APA-Sport. Azərbaycan futbol yığmasının hücumçusu Branimir Subaşiçin çıxış etdiyi “Srvena Zvezda” klubuna yeni baş məşqçi təyin olunub. “APA-Sport”un məlumatına görə, komandanı bundan sonra makedoniyalı Çedomir Yanevski çalışdıracaq. 47 yaşlı Yanevski Belqrad təmsilçisinin baş məşqçi postunda az öncə istefaya göndərilən çexiyalı Zdenek Zemanı əvəzləyib. O, klubla bir illik müqavilə imzalayıb. Son vaxtlar Belçikada çalışan Yanevski “Gent” və “Brügge”də işləyib.