Bakı - APA-Sport. İcarə əsasında “Real Sosyedad”da oynayan “Qalatasaray”lı Necati Atəş komanda yoldaşını kəskin tənqid edib. “APA-Sport”un məlumatına görə, türkiyəli futbolçu ötən il böyük ümidlərlə “Şalke”dən transfer olunan Kassio Linkolnu suçlayıb. Necati deyib ki, braziliyalı legioner ona xərclənən pullara dəymir: “Linkoln indiyədək komandaya xeyir verməyib. “Qalatasaray”da qalsaydım, hətta onun qədər zəif oynamazdım. O, Hacinin gedişindən sonra orta xətdə yaranan boşluğu doldura bilmədi”. Necati “Real Sosyedad”la da bağlı fikirlərini bölüşüb. 28 yaşlı hücumçu gələcəkdə “Qalatasaray”a qayıtmaq istədiyini vurğulayıb: “Real Sosyedad”ın Primeroya vəsiqə qazanması üçün əlimizdən gələni əsirgəmirik. Tezliklə “Qalatasaray”a dönməyim pis olmazdı. Əgər “Cim Bom”a qayıda bilməsəm, karyeramı İspaniyada davam etdirəcəyəm”.