Bakı. Vüqar Xeyrullayev - APA-Sport. Bəhreynlə qarşılaşmada daha bir futbolçu Azərbaycan milli komandasında debüt edib. “APA-Sport”un məlumatına görə, Manamadakı səfər oyunu “Neftçi”nin müdafiəçisi Emin Cəfərquliyevin milli karyerasında birinci matç olub. 18 yaşlı Cəfərquliyev yığmanın tarixinə 156-cı futbolçu kimi düşdü. Müdafiəçi almaniyalı mütəxəssis Berti Foqtsun rəhbərliyi altında milli komandada debüt edən 9-cu oyunçu oldu. Cəfərquliyevə qədər Cavid Hüseynov, Elvin Məmmədov, Fabio Luis Ramim, Kamran Ağayev, Araz Abdullayev, Aqil Nəbiyev, Ruslan Əmircanov, Vladimir Levinə də debüt etmək şansını məhz millinin indiki çalışdırıcısı vermişdi.