Bakı. Vüqar Xeyrullayev - APA-Sport. Meksikalı boksçu Daniel Aquillon rinqdə aldığı zərbədən vəfat edib. “APA-Sport”un məlumatına görə, nokauta düşdükdən sonra xəstəxanaya çatdırılan 24 yaşlı idmançının həyatını həkimlər xilas edə bilməyib. Yarımyüngül çəkidə Mərkəzi Amerika çempionu adı uğrunda döyüş Aquiiion üçün sonuncu olub. Görüşün başa çatmasına 40 saniyə qalmış Alexandro Sanabriyanın nokauta saldığı meksikalı bu zərbədən sonra özünə gəlməyib.